తెలుగున్యూస్ టుడే ➤ టాలీవుడ్‌లో తెర‌కెక్కుతున్న క్రేజీ మ‌ల్టీ స్టార‌ర్ ప్రాజెక్ట్ దేవదాస్. నాగార్జున, నాని ప్ర‌ధాన పాత్ర‌ల‌లో తెర‌కెక్కుతున్న ఈ చిత్రం సెప్టెంబ‌ర్ 27న విడుద‌ల‌య్యేందుకు సిద్ధ‌మైంది. కొద్ది రోజులుగా టీజర్, సాంగ్స్‌తో అల‌రించిన టీం నిన్న జ‌రిగిన ఆడియో వేడుక‌లో ట్రైలర్ విడుద‌ల చేసింది. రిలీజ్ కు మరో వారం మాత్రమే ఉండడంతో ‘దేవదాస్’ టీమ్ నిన్న రాత్రి ఆడియో ఫంక్షన్ జరిపారు. ఫుల్ ఆల్బమ్ ను రిలీజ్ చేయడం తో పాటుగా ట్రైలర్ ను కూడా రిలీజ్ చేశారు. ఈ ట్రైలర్ చూస్తుంటే చిత్రం మొత్తం ఫుల్ కామెడీగా ఉంటుంద‌ని అనిపిస్తుంది. నాగ్ ,నాని ల మధ్య వచ్చే సన్నివేశాలు ఈ చిత్రానికి హైలైట్ కానున్నాయని ట్రైలర్ చూస్తే అర్ధమవుతుంది.
ఇక ఈ ఈవెంట్ లో నాగార్జున ఇంట్రెస్టింగ్ స్పీచ్ తో అందరినీ ఆకట్టుకున్నాడు. నాని పై ప్రశంసల వర్షం కురిపించాడు. పనిలో పనిగా నాని ని కూడా మరో సినిమాకు లాక్ చేశాడు.
శ్రీరామ్ ఆదిత్య ద‌ర్శ‌క‌త్వంలో తెర‌కెక్కిన ఈ చిత్రంలో ర‌ష్మిక మందాన్న, ఆకాంక్ష సింగ్‌లు కథానాయిక‌లుగా న‌టిస్తున్నారు. మ‌ణిశ‌ర్మ సంగీతం ప్రేక్ష‌కుల‌ని ఎంత‌గానో అల‌రిస్తుంది. వైజయంతి మూవీస్ పతాకం ఫై అశ్వినీదత్ నిర్మిస్తున్న ఈ చిత్రంలో సీనియర్ నరేష్, రావ్ రమేష్, అవసరాల శ్రీనివాస్, బాహుబలి ప్రభాకర్, వెన్నెల కిషోర్, సత్య మొదలగువారు ఈ చిత్రంలో నటించారు.
