తెలుగు న్యూస్ టుడే ➤ లక్ష్మీరాయ్ ప్రధాన పాత్రలో నటిస్తున్నచిత్రం ‘వేర్ ఈజ్ ది వెంకటలక్ష్మి’. ఈ చిత్రంలో రామ్ కార్తిక్ హీరోగా న‌టిస్తుండగా.. పూజిత పొన్నాడ మ‌రో హీరోయిన్‌గా న‌టిస్తోంది. కిషోర్ కుమార్ దర్శకత్వం వహిస్తున్నారు. తాజాగా ఈ చిత్ర లోగోను చిత్ర ద‌ర్శ‌క నిర్మాతలు విడుదల చేశారు. ఈ కార్య‌క్ర‌మంలో చిత్ర‌యూనిట్ అంతా పాల్గొంది.
ఈ సంద‌ర్భంగా లక్ష్మీరాయ్ మాట్లాడుతూ… ‘‘ఔట్ అండ్ ఔట్ కామెడీ చిత్రం ‘వేర్ ఈజ్ వెంకట లక్ష్మి’. మాస్ సాంగ్‌ను కంపోజ్ చేస్తున్నారు శేఖర్ మాస్టర్. ఈ పాట సినిమాకే హైలెట్‌గా నిలుస్తుంది. అన్ని పాటలను బాగా కంపోజ్ చేశాడు మ్యూజిక్ డైరెక్టర్ హరి. 70 శాతం షూటింగ్ పూర్తయింది. అందరూ కష్టపడి పనిచేస్తున్నారు. నిర్మాతల సహకారం చాలా బాగుంది. నాకు మంచిపేరు తెచ్చిపెట్టే చిత్రం అవుతుందని ఆశిస్తున్నా’’ అన్నారు.
దర్శకుడు కిషోర్ కుమార్ మాట్లాడుతూ.. ‘‘నన్ను నమ్మి నాకీ అవకాశం ఇచ్చిన లక్ష్మీ రాయ్, మరియు నిర్మాతలకు నా కృతఙ్ఞతలు. సబ్జెక్ట్ చాలా బాగొచ్చింది. కామెడీ త్రిల్లర్. ప్రేక్షకులను బాగా నవ్వించాలని చేసిన ప్రయత్నమే ఈ ‘వేర్ ఈజ్ వెంకటలక్ష్మి’ చిత్రం. అమలాపురంలో చిత్రీకరణ జరుపుకుంది. ప్రస్తుతం ఓ మాస్ సాంగ్ చిత్రీకరణ జరుగుతోంది.. రింగా రింగా.., రత్తాలు పాటల మాదిరే ఇది కూడా పాపుల‌ర్ అవుతుంది. సీనియ‌ర్ న‌టులు కావ‌డంతో అంతా బాగా న‌టిస్తున్నారు. ఖ‌ర్చుకు వెన‌కాడ‌కుండా నిర్మాతలు ఈ చిత్రాన్ని నిర్మిస్తున్నారు. త్వరలో విడుదలకు ప్లాన్ చేస్తున్నారు. అందరికీ నచ్చుతుందని నమ్మకంతో ఉన్నాం’’ అన్నారు.
ఈ సినిమా కోసం ప్ర‌త్యేకంగా శేఖర్ మాస్టర్ కొరియోగ్ర‌ఫీలో సార‌ధి స్టూడియోస్‌లో ఓ సెట్ వేసి అక్క‌డే భారీ రేంజ్‌లో పాట చిత్రీక‌రిస్తున్నారు. ల‌క్ష్మీరాయ్‌తో పాటు ప‌లువురు సీనియ‌ర్ న‌టులు ఈ షూటింగ్‌లో పాల్గొంటున్నారు. ఈ కార్య‌క్ర‌మంలో నిర్మాతలు గురునాథ్ రెడ్డి, ఆనంద్ రెడ్డిల‌తో పాటు లక్ష్మీ రాయ్, హీరో రామ్ కార్తిక్, హీరోయిన్ పూజిత పొన్నాడ, పంకజ్, కిషోర్, మధుసూదన్, వెంకట్, శేఖర్ మాస్టర్, హరి, ప్రవీణ్ తదితరులు పాల్గొన్నారు.
